ഭാരതീയനെന്നതു ശ്രേയസ്കരം: ആരിഫ് മുഹമ്മദ് ഖാൻ

ശ്രദ്ധേയനായ മുൻകാല ക്യാബിനറ് മിനിസ്റ്റർ ആരിഫ് മുഹമ്മദ് ഖാൻ, പുതിയ കേരള ഗവർണറായി നിയോഗിക്കപ്പെട്ടതിൽ കൃതജ്ഞത രേഖപ്പെടുത്തി. ഭാരതീയനായി ജനിച്ചത് തൻ്റെ സൗഭാഗ്യമാണെന്നും അദ്ദേഹം അറിയിച്ചു.

ഇസ്ലാം മത മൗലിക വാദത്തെ നിശിതമായി വിമർശിച്ച ഖാൻ, മുസ്ലിം സമുദായത്തിലെ പ്രാകൃത വ്യവസ്ഥിതികളെ ഉടച്ചു വാർക്കുന്നതിൽ നിരവധി സംഭാവനകൾ നൽകിയിട്ടുണ്ട്. “ദൈവത്തിൻറെ സ്വന്തം നാട്” എന്ന പ്രശസ്തമായ ശൈലിയെ പരാമർശിച്ച അദ്ദേഹം, പുതിയ നിയോഗം കേരളത്തെ സംബന്ധിച്ച തൻ്റെ പ്രാദേശിക പരിജ്ഞാനം വർദ്ധിപ്പിക്കുമെന്നും പറയുകയുണ്ടായി.

ഷാ ബാനോ കേസിൽ മുസ്ലിം പുരോഹിതന്മാരുടെ സമ്മർദ്ദത്തിന് വഴങ്ങിയതിൽ പ്രതിഷേധിച്ച്‌, 1986-ൽ രാജീവ് ഗാന്ധിയുടെ കോൺഗ്രസ് സർക്കാരിൽ നിന്ന് രാജിവെച്ചതോടെയാണ് ഖാൻ ശ്രദ്ധേയനായത്. ഇന്ത്യൻ ഭരണഘടനയിൽ അടിയുറച്ചു വിശ്വസിച്ച അദ്ദേഹം, അഖിലേന്ത്യ മുസ്ലിം വ്യക്തി നിയമ ബോർഡിന്റെ ( AIMPLB ) ഉന്മൂലനത്തിന് കാരണക്കാരനായി അറിയപ്പെട്ടു.

രാജീവ് ഗാന്ധി ചെയ്ത അബദ്ധം ആവർത്തിക്കാതിരിക്കാനും, മുത്തലാഖ് നിയമപരമായി വിലക്കാനും പ്രധാനമന്ത്രി നരേന്ദ്രമോദിയെ പ്രേരിപ്പിച്ചതിൽ മുൻഗണനീയനാണ് ശ്രീ ആരിഫ് മുഹമ്മദ് ഖാൻ. ഇക്കഴിഞ്ഞ ജൂൺ 30-നു കേന്ദ്ര സർക്കാർ മുത്തലാഖ് നിരോധിച്ച്‌ നിയമഭേദഗതി കൊണ്ടുവന്നു.